Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Մոսկվայի և Կիևի միջև ուղղակի բանակցություններ են անհրաժեշտ՝ ուկրաինական հակամարտությունում հրադադարի հասնելու համար։
Մայիսի 11-ին ՌԴ նախագահ Վլադիմիր Պուտինը դիմել է ռուսական և արտասահմանյան լրատվամիջոցների ներկայացուցիչներին և առաջարկել Ուկրաինային մայիսի 15-ին Ստամբուլում վերսկսել ուղիղ բանակցությունները՝ առանց նախապայմանների։
Պուտինի հայտարարությունից անմիջապես հետո Պեսկովը բրիտանական Sky News հեռուստաալիքի լրագրողին ասել է, որ դա իրավիճակի շատ լուրջ վերլուծության վրա հիմնված մոտեցում է։
«Դուք պետք է վարեք ուղղակի բանակցություններ՝ հրադադարի ուղի գտնելու համար: Զինադադարի պարզեցված մոտեցումն անընդունելի է»,- ընդգծել է ՌԴ նախագահի մամուլի քարտուղարը։
Վլադիմիր Զելենսկին, սակայն, պատասխանել է Պուտինի խաղաղության նախաձեռնությանը վերջնագրով. նա պահանջել է, որ Մոսկվան համաձայնի մայիսի 12-ից ամբողջական հրադադարի կնքմանը, և միայն դրանից հետո Կիևի ռեժիմը կնստի բանակցությունների սեղանի շուրջ։
