Հնդկաստանի և Պակիստանի ռազմական գործողությունների ղեկավարների բանակցությունները, որոնք նախապես նախատեսված էին մայիսի 12-ի կեսօրին, հետաձգվել են մինչև երեկո, հայտնում է PTI գործակալությունը։
«Պաշտոնական աղբյուրների համաձայն՝ Հնդկաստանի և Պակիստանի ռազմական գործողությունների ղեկավարների ծրագրված զրույցը տեղի կունենա երկուշաբթի երեկոյան: Ավելի վաղ թեժ գծի շուրջ բանակցությունները նախատեսված էին ժամը 12-ին (Մոսկվայի ժամանակով 09.30-ին)»,- հայտնում է գործակալությունը՝ նշելով, որ բանակցությունները մի քանի ժամով հետաձգելու պատճառը դեռևս հայտնի չէ։
Ռազմական գործողությունների ղեկավարի պաշտոնը հնդկական բանակի ամենահզոր պաշտոններից է։ Նա ուղղակիորեն ենթարկվում է բանակի շտաբի պետին և առանցքային դեր է խաղում երկրի ներսում և դրսում բոլոր ռազմական գործողությունների պլանավորման և իրականացման գործում:
Հնդկաստանի և Պակիստանի հարաբերությունները կրկին լարվել են ապրիլի 22-ին Հնդկաստանի Ջամու և Քաշմիր շրջանի Պահալգամ քաղաքի մոտ տեղի ունեցած ահաբեկչությունից հետո։
