ԵՄ երկրները սկսել են համաձայնեցնել Ռուսաստանի դեմ պատժամիջոցների 17-րդ փաթեթը, ասվում է ԵՄ մշտական ներկայացուցիչների կոմիտեի՝ (COREPER) երկուշաբթի օրը կայացած նիստի օրակարգում։
Դեսպանները «կքննարկեն սահմանափակող միջոցներ Ռուսաստանի դեմ՝ Ուկրաինայի տարածքային ամբողջականությունն ու ինքնիշխանությունը խաթարելու համար», -ասվում է փաստաթղթում։
Եվրահանձնաժողովն անցած շաբաթ համայնքի երկրներին ներկայացրեց պատժամիջոցների 17-րդ փաթեթը։ Ինչպես ավելի վաղ հայտնել էր Bloomberg-ը, ԵՀ-ն առաջարկում է սև ցուցակում ներառել ռուսական նավթ տեղափոխող 60 անհատների և կազմակերպությունների և 150 լցանավեր՝ անտեսելով գների առաստաղներ սահմանելու Արևմուտքի փորձերը։
ԵՀ-ն ձգտում է այս փաթեթի հաստատմանը մայիսի 20-ին կայանալիք ԵՄ ԱԳ նախարարների հանդիպման ժամանակ:
