Իրանի արտաքին գործերի նախարարության խոսնակը մեկնաբանել է Թեհրանի եւ Վաշինգտոնի միջեւ Մասկատում Օմանի միջնորդությամբ տեղի ունեցած անուղղակի բանակցությունների չորրորդ փուլը: Նրա խոսքերը մեջբերում է «ՌԻԱ Նովոստի»-ն։
Իրանի արտաքին գործերի նախարարության խոսնակը բանակցությունների փուլը անվանել է «դժվար, բայց օգտակար»։
Կիրակի՝ մայիսի 11-ին, Մասկատում տեղի ունեցավ ԱՄՆ-ի և Իրանի միջև անուղղակի բանակցությունների չորրորդ փուլը ՝ օմանական կողմի միջնորդությամբ։ Բանակցությունները վերսկսվեցին երկշաբաթյա ընդմիջումից հետո։ Թեհրանի և Վաշինգտոնի միջև անուղղակի բանակցությունների առաջին և երրորդ փուլերը տեղի են ունեցել Օմանում համապատասխանաբար ապրիլի 12-ին և 26-ին, իսկ երկրորդը՝ Իտալիայի Հռոմ քաղաքում ՝ ապրիլի 19-ին։
Օմանի արտաքին գործերի նախարարության տվյալներով՝ կողմերը քննարկել են համաձայնագիր, որը ենթադրում է Իրանի կողմից միջուկային զենքի մշակումից լիակատար հրաժարում՝ պատժամիջոցների վերացման դիմաց, միաժամանակ պահպանելով Թեհրանի իրավունքը՝ զարգացնելու խաղաղ միջուկային էներգիան։
