Ադրբեջանի պետական սահմանապահ ծառայության մամուլի կենտրոնի տվյալներով՝ Իրանի Իսլամական Հանրապետությունից մուտք գործած չորս անձինք սողոսկելով անցել են Խուդաֆերին կամրջով և հայտնվել ադրբեջանական կողմում, որտեղ սկսել են փորել կամրջի հենարանի մոտ գտնվող հողը։Տեսնելով սահմանապահ պարեկախմբի մոտենալը՝ սահմանը խախտողներից մեկը ցատկել է Արաքս գետը, իսկ երեքը ձերբակալվել են Իրանի տարածքում։Միջադեպի վայրում երկու կողմերի ներկայացուցիչների մասնակցությամբ իրականացվել է զննություն, որի ընթացքում հայտնաբերվել և առգրավվել են կամրջի վրա պեղման աշխատանքներում օգտագործված գործիքներ։Իրանական կողմի տվյալներով՝ ձերբակալվածները Իրանի Իսլամական Հանրապետության քաղաքացիներ են։Արաքս գետը ցատկած տղամարդու որոնողական աշխատանքները ներկայումս շարունակվում են, որին մասնակցում են երկու կողմերի ներկայացուցիչները։
Իրանի 4 քաղաքացի Խուդաֆերինի կամրջով անցել են ադրբեջանական տարածք
11.05.2025 17:04 |
Կատեգորիա
Համաշխարհային
