Ինչպես ավելի վաղ հայտնել էինք, ՀՀ վարչապետ Նիկոլ Փաշինյանն աշխատանքային այցով ժամանել է Ռուսաստանի Դաշնություն:
Նիկոլ Փաշինյանին Կրեմլում դիմավորել է ՌԴ նախագահ Վլադիմիր Պուտինը:
Վարչապետը Մոսկվայում մասնակցելու է մայիսի 9-ին անցկացվելիք Հայրենական մեծ պատերազմում հաղթանակին նվիրված միջոցառումներին:
Հիշեցնենք՝ ՀՀ վարչապետ Նիկոլ Փաշինյանը Ազգային ժողովում լրագրողների հետ զրույցի ժամանակ հաստատել էր, որ մայիսի 9-ին կմասնակցի Մոսկվայում կայանալիք Հաղթանակի շքերթին։
Ավելի վաղ վարչապետըՌԴ նախագահ Վլադիմիր Պուտինի հետ կայացած հեռախոսազրույցի ընթացքում ևս հաստատել էր, որ ընդունում է Ռուսաստանի նախագահի հրավերը և մասնակցելու է մայիսի 9-ին Մոսկվայում կայանալիք տոնակատարություններին։
