Գազայի հատվածում իսրայելական բանակի ռազմական գործողության ընդլայնումը կարող է հանգեցնել պաղեստինյան անկլավից 1,4-1,8 մլն բնակիչների արտագաղթի։ Այս մասին հայտնում է էմիրաթական The National թերթը՝ վկայակոչելով աղբյուրները։
Երկուշաբթի օրը իսրայելական Ynet պորտալը հայտնել է, որ հրեական պետության ռազմաքաղաքական կաբինետը հաստատել է Գազայում գործողության ընդլայնման ծրագիրը։
Իսրայելի «Կան» պետական հեռուստաընկերության տվյալներով՝ «Գեդեոնի կառքերը» անվանումը ստացած օպերացիան կոչված է ջախջախելու պաղեստինյան արմատական ՀԱՄԱՍ շարժմանը:
Այդ նպատակով նախատեսվում է իրականացնել «Գազայի ողջ բնակչության լայնածավալ տարհանում» դեպի գոտու հարավային հատված, որը պետք է դառնա իսրայելական զորքերի վերահսկողության տակ գտնվող անվտանգության գոտի, իսկ անկլավի մնացած հատվածներում բանակին կտրվի «գործողության օպերատիվ ազատություն»։
