Էստոնիայի պաշտպանության ուժերի և դաշնակից ուժերի խոշորագույն համատեղ զորավարժությունները՝ Siil 2025, տեղի կունենան մայիսի 5-23-ը։ Զորավարժություններին կմասնակցեն ավելի քան 16000 զինվոր Մեծ Բրիտանիայից, Ֆրանսիայից, Գերմանիայից, Լեհաստանից, Պորտուգալիայից, Դանիայից, Շվեդիայից, Ֆինլանդիայից, Լատվիայից, ԱՄՆ-ից և Կանադայից, դիտորդներ և հրահանգիչներ Ճապոնիայից, Իսրայելից և Ուկրաինայից։ Այս մասին հայտնում են Էստոնիայի պաշտպանության ուժերը։
«Զորավարժությունների հիմնական նպատակն է դաշնակիցների հետ համագործակցությամբ Էստոնիայի և տարածաշրջանային պաշտպանական պլանների հիմնական առաջադրանքների իրականացումը, ինչպես նաև Պաշտպանության ուժերի և դաշնակից ստորաբաժանումների մարտունակության ստուգումը:
«Siil 2025»-ի շրջանակներում այս տարի հատուկ ուշադրություն է դարձվելու լրացուցիչ դաշնակցային ստորաբաժանումների Էստոնիա ներմուծմանը, ինչպես նաև այդ ստորաբաժանումների ընդունմանը և ինտեգրմանը Էստոնիայի դիվիզիային անմիջական մարտական պատրաստվածությամբ», – ասվում է Էստոնիայի պաշտպանության ուժերի հայտարարության մեջ:
Գերատեսչությունում նշել են, որ Siil 2025-ի շրջանակներում հիմնական մարտական ուսուցման միջոցառումները տեղի կունենան Էստոնիայի հյուսիս-արևելյան և հարավ-արևելյան հատվածներում, Պաշտպանության ուժերի մի շարք զորավարժարաններում և դրանց շրջակայքում:
