Իրանի պաշտպանության նախարար, բրիգադի գեներալ Ազիզ Նասիրզադեն կիրակի օրը նախազգուշացրել է, որ ամերիկացիները չեն կարող սպառնալ Իրանին, քանի որ ամբողջ տարածաշրջանում նրանց բազաները գտնվում են Իրանի նշանառության տակ, հաղորդում է Mehr-ը։
Ազգային հեռուստատեսությանը տված հարցազրույցում, որը հեռարձակվել է կիրակի երեկոյան և որտեղ ցուցադրվել է նաև իրանական տեղական արտադրության նոր՝ «Քասեմ Բասիր» հրթիռը, Իրանի պաշտպանության նախարարը նախազգուշացրել է ամերիկացիներին, որ «եթե մեզ վրա հարձակվեն կամ մեզ պատերազմ պարտադրեն, մենք ուժով կպատասխանենք»։
«Մենք կհարձակվենք նրանց շահերի և նրանց բազաների վրա, և մենք չենք դիմադրի և այս առումով որևէ սահմանափակում չենք ունենաի», - ընդգծել է գեներալ Նասիրզադեն։
«Մենք թշնամի չենք մեր հարևան երկրներին, նրանք մեր եղբայրներն են, բայց նրանց տարածքում գտնվող ամերիկյան բազաները կդառնան մեր թիրախները», - հավելել է նա։
news.am
