Ռուսաստանի Պրեմիեր լիգայի 27-րդ տուրում «Ռուբինի» դեմ խաղում (2:1) գոլ խփելով՝ «Կրասնոդարի» ֆուտբոլիստ Էդուարդ Սպերցյանը դարձավ 21-րդ դարի առաջին կենտրոնական կիսապաշտպանը, որը ՌՊԼ-ում անընդմեջ երեք մրցաշրջանում խփել է առնվազն 10 գոլ։ Այս մասին հաղորդում է «Opta Sports» տելեգրամյան ալիքը։
Այս մրցաշրջանում Սպերցյանը բոլոր մրցաշարերում մասնակցել է 32 խաղի, խփել 10 գոլ և կատարել հինգ գոլային փոխանցում։ Ֆուտբոլիստի ներկայիս աշխատանքային պայմանագիրը ակումբի հետ նախատեսված է մինչև 2026 թվականի ամառը։ Transfermarkt պորտալում տրամադրված տեղեկության համաձայն՝ ֆուտբոլիստի շուկայական արժեքը կազմում է 20 միլիոն եվրո։
