Մեքսիկայի Ջալիսկո նահանգում սպանվել են ակտիվիստ Մարիա դել Կարմեն Մորալեսը և նրա որդին՝ Խայմե Դանիելը՝ մի քանի շաբաթ անց այն բանից, երբ նրանք օգնեցին բացահայտել կարտելի կողմից ենթադրաբար օգտագործվող գաղտնի տարածք՝ կոչված «կործանման ճամբար»։ Տարածքում հայտնաբերվել էին դիակիզարաններ և թաղված մարդկային մնացորդներ, հայտնում է CNN-ը ։
Սպանությունն իրականացվել է մոտոցիկլով երկու անձի կողմից, ովքեր առաջինը հարձակվել են որդու վրա, իսկ մայրը զոհվել է՝ փորձելով պաշտպանել նրան։ Չնայած իշխանությունները դեռ չեն հաստատում հանցագործության կապը նրանց ակտիվիզմի հետ, երկրի նախագահը կոչ է արել մանրամասն հետաքննություն անցկացնել՝ ընդգծելով, որ նման դեպքերը չպետք է անտեսվեն։
Դեպքը ընդգծում է Մեքսիկայում անհետ կորածների որոնմամբ զբաղվողների թիրախավորված լինելը և փաստում՝ արդարության համար պայքարը կարող է վտանգավոր լինել։
