Բրազիլիայի Գերագույն դատարանը նախկին նախագահ Ֆերնանդո Կոլոր դե Մելլոյին դատապարտել է տնային կալանքի՝ էլեկտրոնային ապարանջանի միջոցով՝ հաշվի առնելով նրա առողջական վիճակը, հայտնում է G1 պորտալը՝ վկայակոչելով դատավոր Ալեքսանդր դե Մորաիսի որոշումը։
«Չնայած Ֆերնանդո Կոլոր դե Մելլոն դատապարտվել է ութ տարի 10 ամիս փակ ազատազրկման և 90 օր տուգանքի, նրա առողջական վիճակը, տարիքը և հատուկ բուժման կարիքը թույլ են տալիս մարդասիրական տնային կալանք, ինչպես ես մի քանի անգամ որոշել եմ նմանատիպ դեպքերում», - ասել է Մորաիսը իր վճռում, մեջբերում է G1 պորտալը։
Փաստաթղթի համաձայն՝ դատարանը որոշում կայացնելիս հաշվի է առել 75-ամյա նախկին նախագահի առողջական ծանր վիճակը, ում մոտ ախտորոշվել է Պարկինսոնի հիվանդություն, ինչպես նաև հարյուրից ավելի բժշկական հետազոտություններով հաստատված քրոնիկ անքնություն և երկբևեռ խանգարում։
Դատավոր Դի Մորաիսը, սակայն, մերժել է կոռուպցիայի գործով վաղեմության ժամկետը ճանաչելու փաստաբանների մեկ այլ խնդրանք՝ ընդգծելով, որ պաշտպանության այս գիծն արդեն մերժվել է Գերագույն դատարանի լիագումար նիստերի մեծամասնության կողմից։
