Աֆղանստանի էկոնոմիկայի նախարարությունը ԱՄՆ-ին կոչ է արել մարդասիրական օգնությունը չօգտագործել որպես Աֆղանստանի կառավարության վրա քաղաքական ճնշման գործիք։
«Մարդասիրական օգնությունը, որը հիմնված է համաշխարհային օրենքների և միջազգային սկզբունքների հարգման վրա, կենսական նշանակություն ունի: Արտակարգ իրավիճակների, աղետների, տնտեսական ճգնաժամերի և խոցելի մարդկանց համար նման օգնությունը առանցքային դեր է խաղում սննդի, ջրի և ծառայությունների հասանելիության հարցում:
Բայց այս օգնությունը չպետք է օգտագործվի որպես քաղաքական ճնշման գործիք», - ասել է նախարարության խոսնակ Աբդուլ Ռահման Հաբիբը՝ մեկնաբանելով Աֆղանստանի վերակառուցման ԱՄՆ գլխավոր տեսուչի (SIGAR) եռամսյակային զեկույցը, որը հրապարակվել է հինգշաբթի։
