Ցյուրիխի ոստիկանությունը հայտարարել է, որ ռետինե փամփուշտներ և արցունքաբեր գազ է կիրառել չարտոնված հանրահավաքի ժամանակ ցուցարարների կողմից ոստիկանների վրա հարձակվելուց հետո։
Ինչպես նշում է շվեյցարական «20 Minuten» թերթը, Ցյուրիխում նախ տեղի ունեցավ պաշտոնական մայիսմեկյան երթ՝ «Համերաշխություն` թշնամանքի փոխարեն» կարգախոսով։ Ցյուրիխի կանտոնի արհմիութենական ասոցիացիայի տվյալներով՝ դրան մասնակցել է մոտավորապես 14,000 մարդ։ Ոստիկանության տվյալներով՝ ցույցը ընդհանուր առմամբ խաղաղ է անցել և որևէ հատուկ խնդիր չի առաջացել։ Դրանից հետո ձախակողմյան արմատական խմբավորումների ներկայացուցիչները հավաքվեցին չարտոնված ցույցի։ Ոստիկանությունը շարժական արգելապատնեշներ տեղադրեց՝ երթուղին վերահսկելու համար, և ի վերջո շրջապատեց ու ցրեց երթը։ Պարբերականի տվյալներով՝ ոստիկանությունը արցունքաբեր գազ է ցողել և սկսել է ձերբակալել անօրինական բողոքի ակցիայի մասնակիցներին։
«Ոստիկանության վրա հարձակումներից հետո ստիպված են եղել օգտագործել ռետինե փամփուշտներ և արցունքաբեր գազ։ Ագրեսիվ անհատների անհատական գործողությունները շարունակվում են»,-«ՌԻԱ նովո ստգի»-ի փոխանցմամբ, ասվում է ոստիկանության X սոցիալական ցանցում տարածված հայտարարության մեջ։
Այս պահին ոստիկանությունը ստուգում է փաստաթղթերը։
