Հնդկաստանի պաշտպանության նախարար Ռաջնաթ Սինգհը բանակցություններ է վարել Պենտագոնի ղեկավար Փիթ Հեգսեթի հետ և քննարկել Ջամու և Քաշմիրում տեղի ունեցած ահաբեկչությունը։
Ինչպես նշել է հարավասիական հանրապետության պաշտպանության նախարարությունը, Հեգսեթը «խորին ցավակցություն է հայտնել Պահալգամում տեղի ունեցած սարսափելի ահաբեկչության ժամանակ անմեղ մարդկանց ողբերգական կորստի կապակցությամբ»:
«Հեգսեթը ասել է, որ ԱՄՆ-ը համերաշխ է Հնդկաստանի հետ և պաշտպանում է նրա ինքնապաշտպանության իրավունքը: Նա կրկնել է, որ ԱՄՆ կառավարությունը վճռականորեն աջակցում է Հնդկաստանի ահաբեկչության դեմ պայքարին», - ասվում է հայտարարության մեջ:
Սինգհն իր ամերիկացի գործընկերոջ հետ զրույցում ասել է, որ «Պակիստանն ահաբեկչական կազմակերպություններին աջակցելու, վարժեցնելու և ֆինանսավորելու պատմություն ունի»։
