Չինաստանի Պետխորհրդի տեղեկատվական գրասենյակը հրապարակել է սպիտակ թուղթ, որտեղ ասվում է, որ SARS-CoV-2 կորոնավիրուսը կարող էր ծագել Միացյալ Նահանգներից՝ նախքան Չինաստանի Ուհան քաղաքում հայտնվելը: Այս մասին գրում է Daily Mail-ը։
«Էական ապացույցները ցույց են տալիս, որ COVID-19-ը կարող էր հայտնվել Միացյալ Նահանգներում ավելի վաղ, քան պաշտոնապես հաղորդվում էր, և ավելի վաղ, քան բռնկումը Չինաստանում», - ասվում է փաստաթղթում:
Սպիտակ գիրքը հատուկ ուշադրություն է դարձնում ամերիկյան Ֆլորիդա նահանգին, որտեղ վարակի առաջին դեպքը պաշտոնապես հայտնաբերվել է 2020 թվականի մարտի 1-ին: Սակայն, բաց աղբյուրներից ստացված տեղեկատվության համաձայն, նահանգում կորոնավիրուսը սկսել է տարածվել արդեն հունվարին։
Ավելին, վարակվածների մեծ մասը չի լքել երկիրը։ Ավելի ուշ, ինչպես նշված է գրքում, ամերիկյան կողմը ջնջել է այս տեղեկությունը, իսկ աշխատակիցները, ովքեր պատասխանատու էին տվյալների մշակման համար, ազատվել են աշխատանքից։
Մինչ այս ԱՄՆ նախագահ Դոնալդ Թրամփի վարչակազմը Սպիտակ տան կայքում բացել էր հատուկ էջ՝ նվիրված SARS-CoV-2 կորոնավիրուսի ծագմանը։
