Ապրիլի 27-ին, հրդեհ է տեղի ունեցել Երևանում։ Ժամը 16։30-ի սահմաններում ՀՀ ՆԳՆ ՓԾ 9-11 ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Տերյան փողոցի շենքերից մեկում։ Այս մասին հայտնում է Shamshyan.com-ը։
Դեպքի վայր է մեկնել Երևանի հրշեջ-փրկարարական ջոկատից 1 մարտական հաշվարկ։
Հրշեջ-փրկարարները նախ կանխել են 3-րդ հարկի բնակարաններից մեկում առաջացած կրակի տարածումը, ապա մարել այն։
Հրդեհի հետևանքով նույն տան բնակիչ 75-ամյա Անահիտ Ն․-ին փրկարարները մոտեցրել են շտապօգնության ավտոմեքենային, ով տեղում բուժօգնություն է ստացել, սակայն հրաժարվել է հիվանդանոց մեկնելուց։
