Պետական դավաճանության դեպքերի հետ կապված բազմաթիվ դեպքեր են եղել։ Եղել են անձինք, որ այդ շրջանակներում անցել են որպես ներգրավված անձ։ Նրանց, ում նկատմամբ իրականացվել է համապատասխան հոդվածներով հետապնդում, ուղարկվել է դատարան։ Այս մասին խորհրդարանական լսումների ժամանակ ասաց ԱԱԾ տնօրեն Արմեն Աբազյանը՝ անդրադառնալով պետական դավաճանության վերաբերյալ աղմկահարույց գործերին, որոնցով հետագայում խափանման միջոցներ են փոխվել, արդարացվել, մեղադրանքի վերավորակում եղել։
Անդրադառնալով Ջոն Կիրակոսյանի անվան դպրոցում ուսուցչի աղմկահարույց ձերբակալությանը, ինչից ահաբեկվել են երեխաները՝ Աբազյանը նշեց, որ այդ ուղղությամբ իրենց մոտ ուսումնասիրություն է իրականացվում։
«Համացանցում ներկայացված իրավավիճակը, թե ԱԱԾ աշխատակիցները դիմակավորված են եղել ու ահաբեկել են երեխաներին, նախնական կարող եմ ասել, որ նման իրավիճակ չկա»,- նշեց Աբազյանը։
