Այսօր Երևանում անցկացվում է տափօղակով հոկեյի Աշխարհի IV դիվիզիոնի առաջնության վերջին տուրը։
Ուզբեկստանի հավաքականը գերխոշոր՝ 18-3 հաշվով հաղթեց Մալայզիայի թիմին և դարձավ տափօղակով հոկեյի Աշխարհի IV դիվիզիոնի առաջնության չեմպիոն։
Հայաստանի հավաքականն ԱԱ-ի շրջանակում վերջին հանդիպումը կանցկացնի՝ Երևանի գեղասահքի և տափօղակով հոկեյի մանկապատանեկան մարզադպրոցում մրցելով Ինդոնեզիայի հետ։ Հանդիպումը կմեկնարկի 17։00-ին։
Այսօրվա հանդիպումների ժամանակացույցը․
Հայաստան - Ինդոնեզիա / 17։00
Իրան - Քուվեյթ / 20։00
Հայաստանի հավաքականն ունի 9 միավոր և այս պահին երկրորդն է մրցաշարային աղյուսակում։
Հայաստանի տափօղակով հոկեյի հավաքականը 15 տարվա դադարից հետո առաջին անգամ է հանդես գալիս միջազգային ասպարեզում։
