ԱԺ ՔՊ-ական պատգամավոր Վիլեն Գբարիելյանը ֆեյսբուքյան գրառմամբ հայտնել է․
Հարգելի հայրենակիցներ, ունեմ հստակ համոզմունք, որ քաղաքական գործընթացներում առանցքային դեր ունի քաղաքական պատասխանատվություն կրելու մշակույթը: Անցած կիրակի Գյումրի քաղաքում իմ մասնակցությամբ այսպես ասած միջադեպերը համարում եմ ոչ վայել Հայաստանի Հանրապետության Ազգային Ժողովի պատգամավորի վարքին:
ԱԺ պատգամավորն իր առաքելությունում պարտավոր է չդրսևորել անհարկի վարքագիծ: Ըստ այդմ՝ բոլորիցդ հրապարակային հայցում եմ ներողություն և պաշտոնապես հայտարարում եմ, որ վայր եմ դնում ԱԺ պատգամավորի մանդատս:
Դիմումը արդեն հանձնել եմ ԱԺ աշխատակազմ:Միաժամանակ հայտնում եմ, որ այս պահից սկսած ինքնաառաջադրվում եմ, որպես «Քաղաքացիական պայմանագիր» կուսակցության առաջիկա վարչության ընտրություններում՝ վարչության անդամի թեկնածու, քանզի ինձ համար միանշանակ է, որ մեր կուսակցությունը ունի լրջագույն առողջացման և կերպարանափոխման կարիք:
Ինչպես Սևակն ա ասում, հանուն վաղվա ճշմարտության, թող որ լինեմ այսօր սխալ:Եղե՛ք՝ զգոն, սառնասիրտ, հավասարակշիռ, ուժեղ, տոկուն Շնորհակալություն ուշադրության համար։հարգանքով՝ԱԺ պատգամավոր Վիլեն Գաբրիելյան
Հիշեցնենք, որ Վիլեն Գաբրիելյանը կիրակի օրը անվայելուչ պահվածք էր դրսևորել «Եվրոմեդիա24» միջազգային հեռուստաընկերության լրագրող Կորյուն Սիմոնյանի նկատմամբ։
