Ռուսաստանի նախագահ Վլադիմիր Պուտինը բաց է մնում ամերիկացի առաջնորդ Դոնալդ Թրամփի հետ շփումների համար. անհրաժեշտության դեպքում նրանց զրույցը կկազմակերպվի օպերատիվ կերպով։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
«Նախագահը բացարձակապես բաց է մնում Թրամփի հետ շփումների համար, ուստի, անհրաժեշտության դեպքում նրանց զրույցը շատ արագ կկազմակերպվի»,- ասել է նա ճեպազրույցում։
Ավելի վաղ Թրամփը հայտարարել էր Պուտինին այս շաբաթ կրկին զանգահարելու մտադրության մասին։
Մարտի 18-ին կայացել է այս տարվա երկրորդ հեռախոսազրույցը Ռուսաստանի Դաշնության և ԱՄՆ նախագահների միջև։ Նրանք քննարկել են ուկրաինական կարգավորման հնարավոր պարամետրերը, Ռուսաստանի և ԱՄՆ-ի հարաբերությունների կարգավորումը, փոխգործակցությունը Մերձավոր Արևելքում, ինչպես նաև Սև ծովում նավարկության անվտանգությունը։
