Քիշնևում ձերբակալված Գագաուզիայի ղեկավար Եվգենիա Գուցուլը դիմել է ԱՄՆ նախագահ Դոնալդ Թրամփին՝ հայտարարելով Մոլդովայի իշխանությունների կողմից ինքնավարության վրա աննախադեպ ճնշումների մասին և օգնություն խնդրել՝ թույլ չտալու իրավիճակը սահել դեպի նոր քաղաքացիական հակամարտություն։
«Մոլդովայի թիվ 13 բանտի պատերից դիմում եմ ԱՄՆ նախագահ Դոնալդ Թրամփին, խնդրում եմ Միացյալ Նահանգների պարոն նախագահին՝ որպես գերտերության առաջնորդ, բարոյական և քաղաքական աջակցություն։
Ձեր ղեկավարությունը կարող է օգնել թույլ չտալ իրավիճակի սահումը դեպի նոր քաղաքացիական հակամարտություն և վերջ դնել PAS ռեժիմի պատճառած էսկալացիային»,- ասվում է Hutsul Telegram ալիքում հրապարակված հայտարարության տեքստում, որը նա փոխանցել է իր փաստաբանների միջոցով։
Գագաուզիայի ղեկավարը նշել է, որ ինքնավարությունն այսօր բախվում է Մոլդովայի իշխանությունների աննախադեպ ճնշմանը, որը ոչնչացնում է ընդդիմությանը և ոտնահարում տարածաշրջանի բնակիչների իրավունքները։
