Իրանի գերագույն առաջնորդ Ալի Խամենեին ասել է, որ չի հավատում երկրի վրա ԱՄՆ-ի կողմից դրսից հարձակման հնարավորությանը, սակայն եթե Վաշինգտոնը փորձի ապստամբություն հրահրել իսլամական հանրապետության ներսում, դա կոշտ պատասխան կստանա:
«Նրանք սպառնում են ինչ-որ վատ բան անել, բայց մենք չենք կարծում, նույնիսկ դժվար թե դրսից չարություն անեն: Բայց եթե նույնիսկ անեն, մեր պատասխանը կոշտ կլինի: Եթե հանկարծ որոշեն ապստամբություն սկսել երկրի ներսում, Իրանի ժողովուրդն ինքը կպատասխանի նրանց»,- ասել է նա: Ուղիղ հեռարձակումն իրականացրել է IRIB հեռուստաալիքը։
Մարտի 30-ին ԱՄՆ նախագահ Դոնալդ Թրամփը հայտարարել էր, որ պատրաստվում է երկու շաբաթից երկրորդական մաքսատուրքեր սահմանել Իրանի դեմ, եթե Իրանի միջուկային ծրագրի շուրջ բանակցություններում առաջընթաց չգրանցվի։ Գործարքից լիովին հրաժարվելու դեպքում Իսլամական Հանրապետությունը կբախվի աննախադեպ ռմբակոծությունների, սպառնացել է նախագահը։
Մարտի 7-ին Թրամփը Truth Social-ի իր էջում գրել էր, որ ուղերձ է հղել Խամենեին՝ առաջարկելով բանակցություններ վարել Իրանի միջուկային ծրագրի շուրջ։
