Եվրամիության դիվանագիտության ղեկավար Կայա Կալլասը Բրյուսելում հաջորդ եվրոպական գագաթնաժողովի մեկնարկից առաջ ասել է, որ ԵՄ առաջնորդները «խոսքերով» աջակցում են Ուկրաինային, բայց նա ցանկանում է տեսնել «խոսքից գործի անցում»։
«Եթե նայենք առաջնորդների հայտարարություններին, նրանք աջակցում են Ուկրաինային: Ես կցանկանայի դա տեսնել գործնականում: Այժմ մենք խոսում ենք զինամթերքի մասին: Ես իսկապես հուսով եմ, որ մենք կհամաձայնվենք։ Ամենաիրատեսական պլանը զինամթերքի համար 5 միլիարդ եվրո է, և դա այն է, ինչի վրա մենք այժմ աշխատում ենք», - ասել է Կալլասը:
Ռուսաստանը կարծում է, որ Ուկրաինային զենքի մատակարարումները խանգարում են հակամարտության կարգավորմանը և դրան ուղղակիորեն ներգրավում ՆԱՏՕ-ի երկրներին։ Ռուսաստանի արտգործնախարար Սերգեյ Լավրովն ավելի վաղ նշել էր, որ ցանկացած բեռ, որը զենք է պարունակում Ուկրաինայի համար, օրինական թիրախ կդառնա Ռուսաստանի համար։
Նրա խոսքով՝ ԱՄՆ-ն ու ՆԱՏՕ-ն անմիջականորեն ներգրավված են հակամարտությունում, այդ թվում՝ ոչ միայն զենք մատակարարելով, այլև Մեծ Բրիտանիայում, Գերմանիայում, Իտալիայում և այլ երկրներում անձնակազմի պատրաստմամբ։
