Իրանի կառավարությունն, իբր, մահափորձ է իրականացնում ԱՄՆ նախագահի հանրապետական թեկնածու և Սպիտակ տան նախկին ղեկավար Դոնալդ Թրամփի դեմ։ Այս մասին գրում է ամերիկյան Politico հրատարակությունը՝ վկայակոչելով աղբյուրներին։
Աղբյուրի համաձայն՝ Թրամփից բացի փորձեր են արվել սպանել նախկին բարձրաստիճան պաշտոնյաներին, որոնց Թեհրանն իբր մեղադրում է 2020 թվականին իրանցի գեներալ Ղասեմ Սոլեյմանիի սպանության մեջ։ «Իրանի ջանքերը՝ սպանելու Թրամփին և նախկին բարձրաստիճան պաշտոնյաներին, որոնց նա (Թեհրան – խմբ․) մեղադրում է Սոլեյմանիի սպանության մեջ, ավելի ակտիվ և ագրեսիվ են դարձել, քան նախկինում հաղորդվում էր», - գրում է Politico-ն:
Հրապարակումը, ի թիվս այլ բաների, պնդում է, որ զրույցներ է ունեցել 24 պաշտոնյաների հետ։
Նրանց թվում են նախկին օրենսդիրներ, ինչպես նաև ԱՄՆ Գաղտնի ծառայության գործակալներ և բարձրաստիճան պաշտոնյաներ: Խոսակցությունների ընթացքում նրանք, իբր, պատմել են Politico-ին հաքերային հարձակումների և նախկին պաշտոնյաների ու նրանց ընտանիքների անդամների նկատմամբ թվային հսկողություն իրականացնելու փորձերի մասին։
