ԱՄՆ 35-րդ նախագահ Ջոն Քենեդու թոռը՝ Ջեք Շլոսբերգը, կոչ է արել ամերիկյան լրատվամիջոցներին չլուսաբանել իր պապի սպանության մասին կեղծ փաստաթղթերի պատմությունը։ X սոցիալական ցանցում նա լրագրողներին հիշեցրեց, որ այնտեղ շատ իրական նորություններ կան։ Խոսքը Քենեդու մահվան շուրջ գաղտնազերծված նյութերի մասին է։
Կեղծ փաստաթղթերի մասին պատմությունը լուսաբանելու կարիք չկա, մանավանդ, երբ շրջապատում այնքան իրական նորություններ կան, գրել է Շլոսբերգն իր հաշվում։
ԱՄՆ-ում հրապարակվել են Ազգային արխիվից նյութեր 35-րդ նախագահի և այլ գործիչների, այդ թվում՝ Մարտին Լյութեր Քինգի սպանության մասին։ Փաստաթղթերը երկար տարիներ պահվել են գաղտնի կարգավիճակով։ Փաստաթղթերի հրապարակումը տեղի է ունեցել մարտի 17-ին ԱՄՆ նախագահ Դոնալդ Թրամփի հրահանգի համաձայն։
Ավելի վաղ ՀԴԲ-ն հայտնաբերել էր մոտ 2400 նոր գաղտնի նյութեր՝ կապված Քենեդու սպանության հետ։ Ըստ աղբյուրների՝ նախկինում այդ փաստաթղթերը չեն ներկայացվել դրանք վերանայող և հրապարակող հատուկ հանձնաժողովին։
Ռուսաստանում ԱԴԾ-ն գաղտնազերծել է Յալթայի համաժողովի անվտանգության վերաբերյալ արխիվային փաստաթղթերը։ Հակահիտլերյան կոալիցիայի երկրների ղեկավարների հանդիպումը տեղի ունեցավ 1945 թվականի փետրվարին Ղրիմում և մտավ պատմության մեջ։
Թարգմանությունը՝ Մանուել Թամազյանի
