Եվրամիությունը պետք է ներգրավվի Ուկրաինայի համար խաղաղ համաձայնագրի ձեռքբերմանը, քանի որ Ռուսաստանը ցանկանում է, որ համայնքի կողմից սահմանված պատժամիջոցները չեղարկվեն։ Այս մասին ամերիկացի պաշտոնյաները հայտնել են իրենց եվրոպացի գործընկերներին, հայտնում է Bloomberg-ը՝ հղում անելով աղբյուրներին։
Գործակալության տվյալներով՝ Վաշինգտոնը վերջերս Բրյուսելին ծանուցել է, որ «առաջնահերթ խնդիրն է դադարեցնել ռազմական գործողությունները հակամարտության գոտում և քննարկել այնպիսի հարցեր, ինչպիսիք են Ուկրաինայի անվտանգության հնարավոր միջոցները»։ Այդ քայլը կարող է «վստահություն տալ դաշնակից երկրներին»:
Նրանք մտավախություն ունեն, որ ԱՄՆ-ը կփորձի գործարքի հասնել առանց եվրոպացի առաջնորդների մասնակցության, որը կարող է թուլացնել Ուկրաինան կամ Եվրոպայի անվտանգությունը: Նման մտահոգություններն ակտիվացել են երեքշաբթի օրը, երբ հեռախոսազրույց են ունեցել Ռուսաստանի Դաշնության և ԱՄՆ-ի ղեկավարները, նշում է Bloomberg-ը։
Մինչ այժմ ԱՄՆ նախագահ Դոնալդ Թրամփը «մեծապես բացառում էր Եվրոպայի մասնակցությունը» Ուկրաինայի և Ռուսաստանի հետ զրույցներում, ասվում է հրատարակության մեջ։
ԵՄ արտաքին քաղաքականության ծառայության ղեկավար Կայա Կալլասը ավելի վաղ ասել էր, որ համայնքը հնարավորություն է փնտրում միանալու Ուկրաինայի հարցով բանակցություններին, բայց դեռ չի տեսել դա։ Նրա խոսքով, ԵՄ-ն, մասնավորապես, փորձում է ազդել ամերիկյան կողմի վրա՝ «հնչեցնելով փաստարկներ, որոնք Ռուսաստանը կարող է օգտագործել»։
