Իսրայելը միջնորդներին տեղեկացրել է, որ հրեական պետությունը հրաժարվում է հրադադար հաստատել Գազայի հատվածում։ Այս մասին հայտնում է Al Arabiya հեռուստաալիքը՝ վկայակոչելով աղբյուրները։
«Իսրայելը միջնորդներին տեղեկացրել է Գազայի հատվածում հրադադարից այս պահին իր հրաժարման մասին»,- պնդում են հեռուստաալիքի զրուցակիցները։ Ըստ նրանց՝ Գազայի վրա իսրայելական նոր հարձակումների ֆոնին միջնորդները փորձում են անհապաղ հրադադարի հասնել անկլավում՝ պաղեստինյան ՀԱՄԱՍ շարժման կողմից այնտեղ պահվող մի շարք պատանդների ազատ արձակման դիմաց:
Մասնավորապես, Եգիպտոսը ինտենսիվ խորհրդակցություններ է անցկացնում Կատարի եւ ԱՄՆ-ի հետ՝ դադարեցնելու հակամարտության սրումը։ Ըստ Al Arabiya-ի աղբյուրների, եգիպտական կողմը ՀԱՄԱՍ-ի ներկայացուցիչներին հրավիրել է հանդիպում անցկացնել Կահիրեում՝ քննարկելու ներկա իրավիճակը։
