Վրաստանի արտգործնախարար Մակա Բոչորիշվիլին հայտարարել է, որ Հարավային Կովկասում խաղաղությունն ու անվտանգությունը հիմնական գործոններն են ողջ տարածաշրջանի կայունության համար։Այս մասին Վրաստանի ԱԳՆ ղեկավարը հայտարարել է Նյու Դելիում «Ռաիսինա երկխոսություն 2025» համաժողովի շրջանակներում։
Բոչորիշվիլին ընդգծել է, որ Ադրբեջանի և Հայաստանի միջև խաղաղության պայմանագիրը ռազմավարական նշանակություն ունի ոչ միայն երկու երկրների, այլև ողջ Հարավային Կովկասի համար։«Վրաստանը միշտ աջակցել է իր հարևանների՝ Հայաստանի և Ադրբեջանի ջանքերին, և մենք ուրախ ենք, որ նրանք գտել են խաղաղության ուղին, որը չափազանց կարևոր է ողջ տարածաշրջանի համար»,- նշել է վրացի նախարարը։
Նրա կարծիքով՝ Վրաստանի և Ադրբեջանի միջև ռազմավարական գործընկերությունն ուղղված է ոչ միայն երկու երկրների, այլև ողջ Հարավային Կովկասի զարգացմանը։
