Երկարաժամկետ հեռանկարում Եվրոպայի վերազինման պլանը նախատեսում է արտադրության տեղակայում անդամ երկրների տարածքում, սակայն առայժմ զենք կգնվի ոչ միայն Եվրոպայում, այլև ԱՄՆ-ում, Ճապոնիայում և Կորեայում, ասել է Եվրոպական խորհրդի ղեկավար Անտոնիո Կոստան։
«Կարճաժամկետ հեռանկարում մենք ստիպված կլինենք գնել այն այնտեղ, որտեղ մեզ անհրաժեշտ զենք կա: Օրինակ՝ Եվրոպայում, Ամերիկայում, Հարավային Կորեայում կամ Ճապոնիայում: Այնուամենայնիվ, երկարաժամկետ հեռանկարում մեր ներդրումները պետք է ավելի վճռականորեն ուղղվեն մեր երկրների ռազմական արդյունաբերությանը», - ասել է նա իտալական Repubblica թերթում հրապարակված հարցազրույցում:
Եվրոպական խորհրդի ղեկավարի կարծիքով՝ ռազմական կապիտալը կարող է աշխատատեղեր ստեղծել և խթանել նորարարությունը։ Եվրահանձնաժողովի առաջարկը, նշել է Կոստան, դիտարկում է նաև «150 միլիարդ եվրոյի վարկ տրամադրելու» գաղափարը որպես վերազինման ծրագրի մաս։
Եվրահանձնաժողովի ղեկավար Ուրսուլա ֆոն դեր Լեյենը մարտի սկզբին առաջարկել էր չորս տարվա ընթացքում հավաքել 800 միլիարդ եվրո՝ եվրոպական վերազինման ծրագրի ֆինանսավորման համար։
