ԱՄՆ նախագահ Դոնալդ Թրամփի ազգային անվտանգության հարցերով խորհրդական Մայք Ուոլցը Fox News-ին տված հարցազրույցում ասել է, որ ԱՄՆ-ը միջոցներ կձեռնարկի Ռուսաստանի դեմ, եթե Ռուսաստանը հրաժարվի Ուկրաինայում հրադադարի ռեժիմից։ Նրա խոսքով՝ Վաշինգտոնը դիտարկում է բոլոր տարբերակները։
«Անշուշտ, բոլոր տարբերակները սեղանին են»,- ասել է Ուոլցը
Ավելի վաղ ՌԴ նախագահի օգնական Յուրի Ուշակովը հայտարարել էր, որ Մոսկվան Կիևի և Վաշինգտոնի կողմից հրադադարի կոչերն ընկալում է որպես ուկրաինական զորքերին դադար տալու փորձ։ Նա կարծում է, որ ռուսական կողմն իր մտահոգությունները փոխանցել է ԱՄՆ-ին։
Ուշակովը նաեւ նշել է, որ Ռուսաստանի նախագահ Վլադիմիր Պուտինի եւ Ամերիկայի առաջնորդ Դոնալդ Թրամփի հանդիպումը կկազմակերպվի հենց որ նման անհրաժեշտություն առաջանա։ Նրա խոսքով՝ բանակցությունները կարելի է բավականին արագ կազմակերպել։
Ավելի վաղ Bloomberg-ը, հղում անելով աղբյուրներին, հայտնել էր, որ Կիևը և նրա եվրոպացի դաշնակիցները կարող են չընդունել Ռուսաստանի պայմանները՝ Ուկրաինայում 30-օրյա հրադադարի մասին համաձայնագրի կնքման համար։ Ինչպես նշում են լրատվամիջոցները, Վաշինգտոնը դեռ չի արձագանքել Մոսկվայի առաջարկներին։ Իր հերթին, Ուկրաինայի առաջնորդ Վլադիմիր Զելենսկին Սպիտակ տնից պահանջել է «հստակ և կոշտ պատասխան» այն դեպքում, եթե ռուսական կողմը հրաժարվի հրադադարի համաձայնությունից։
Թարգմանությունը՝ Euromedia24.com-ի
