ԱՄՆ պետքարտուղար Մարկո Ռուբիոն հերքել է Ռուսաստանի նախագահ Վլադիմիր Պուտինին վստահության վերաբերյալ հարցի արդիականությունը։ Ասուլիսում նրա ելույթը հեռարձակվել է Պետդեպարտամենտի կայքում։
«Նման հարցադրումը տեղին չեմ համարում։ Արտաքին քաղաքականության մեջ առանցքային դեր է խաղում ոչ թե վերացական վստահությունը, այլ կոնկրետ քայլերը։ «Միայն գործողությունները կարևոր են», - ասաց Ռուբիոն:
Նա նաև ընդգծել է, որ ուկրաինական հակամարտության համատեքստում բավարար չէ հայտարարել խաղաղության ցանկության մասին, անհրաժեշտ են ռազմական գործողությունները դադարեցնելու իրական ջանքերը.
«Դա վերաբերում է առճակատման մեջ ներգրավված բոլոր կողմերին»,- հավելել է պետքարտուղարը։
Մարտի 10-ին ԱՄՆ նախագահ Դոնալդ Թրամփը չհամաձայնեց The Washington Post-ի լրագրողի խոսքերի հետ, ով ասել էր, որ Ռուսաստանի զինված ուժերի հարվածներն Ուկրաինային ցույց են տալիս Ռուսաստանի առաջնորդ Վլադիմիր Պուտինի անհարգալից վերաբերմունքը Սպիտակ տան ղեկավարի նկատմամբ։
Թարգմանությունը՝ Մանուել Թամազյանի
