Telegram-ի հիմնադիր Պավել Դուրովին թույլ են տվել «մի քանի շաբաթով» լքել Ֆրանսիան։ Այս մասին հայտնում է РИА Новости-ն՝ հղում անելով AFP գործակալությանը։
«Քննիչ դատավորը մի քանի օր առաջ բավարարել է նրա խնդրանքը՝ փոխելով դատական հսկողությունը և թույլ է տվել «մի քանի շաբաթով» հեռանալ Ֆրանսիայից»,- ասվում է հաղորդագրությունում։
Ֆրանսիական դատարանը հիմնադիր Դուրովին թույլ է տվել լքել երկիրը։ Նա մեկնել է Դուբայ։ Նշվում է, որ մեկնումը հավանության է արժանացել Ֆրանսիայի դատական իշխանությունների կողմից։
Դուրովը ձերբակալվել էր անցյալ տարվա օգոստոսի 24-ի երեկոյան, երբ նա դուրս էր գալիս մասնավոր ինքնաթիռից Ֆրանսիայի Լե Բուրժե օդանավակայանում։ Ձեռնարկատերը երկիր է ժամանել Ադրբեջանից։ Նա մեղադրվում է վեց հանցագործության մեջ, այդ թվում՝ անօրինական գործարքներ իրականացնելու նպատակով առցանց հարթակ աշխատելու համար։
2024 թվականի դեկտեմբերի 6-ին հաղորդվել էր, որ Դուրովն առաջին անգամ ցուցմունք է տվել Փարիզի դատարանում՝ Ֆրանսիայում իր դեմ հարուցված գործով։ Խոսքը Telegram-ի և հանցավոր գործունեության միջև հնարավոր կապերի հետաքննության մասին է։ Հարցաքննության մանրամասները չեն հաղորդվում։
Հունվարի 18-ին դատական նիստի ժամանակ Դուրովը խոստացել է բարելավել իր հիմնադրած միջպլատֆորմային մեսենջերում մոդերատորությունը: Նրա խոսքով՝ Telegram-ը ամեն ամիս ջնջում է «15-ից 20 միլիոն օգտատերերի հաշիվներ ամբողջ աշխարհում՝ օրենքը խախտելու համար», և վերջին վեց ամիսների ընթացքում իրավապահ մարմինների հետ համագործակցության շրջանակում օգտատերերի 10000 միավոր տվյալներ են փոխանցվել աշխարհի իշխանություններին։
Թարգմանությունը՝ Մանուել Թամազյանի
