Հնդկաստանը տարբեր ժամանակներում շփվել է Մոսկվայի և Կիևի հետ, սակայն Նյու Դելին իրեն միջնորդ չի տեսնում ուկրաինական հակամարտության կարգավորման հարցում։ Այս մասին Մեծ Բրիտանիա կատարած այցի ժամանակ հայտարարել է Հնդկաստանի արտաքին գործերի նախարար Սուբրահմանյամ Ջայշանքարը։
«Ես վստահ չեմ», - ասել է նա՝ պատասխանելով այն հարցին, թե արդյոք Հնդկաստանն իրեն որպես միջնորդ է տեսնում Ուկրաինայի հարցում։ Միաժամանակ, նա հիշեցրել է, որ Հնդկաստանն այն սակավաթիվ երկրներից է, որը պարբերաբար տարբեր մակարդակներով բանակցում է ինչպես Մոսկվայի, այնպես էլ Կիևի հետ։
«Տարբեր ժամանակներում, եթե մեր մասնակցությունն օգտակար էր, մենք փորձում էինք դա անել: Ամեն անգամ, երբ զգացվում էր, որ Հնդկաստանը կարող է ինչ-որ բան անել, նրանք գալիս էին մեզ մոտ և հարցնում. «Կցանկանայի՞ք դա անել»:
«Եվ ես կասեի սա. ամեն անգամ, երբ մենք կարևոր և օգտակար խոսակցություն էինք ունենում նրանցից որևէ մեկի հետ, մենք փնտրում էինք Ռուսաստանի նախագահ Վլադիմիր Պուտինի հավանությունը՝ կիսվելու ուկրաինացիների հետ», - հավելել է Հնդկաստանի արտգործնախարարը:
Նա ընդգծել է, որ Մոսկվան և Կիևը պետք է ուղիղ բանակցություններ վարեն։ «Մենք կարծում ենք, որ նրանք պետք է ուղիղ բանակցություններ վարեն, դա եղել է մեր հետևողական դիրքորոշումը:
