Ուկրաինան հերթական անգամ դիմել է Հարավային Կորեային՝ զենքի վաճառքի խնդրանքով։ Այս մասին հայտնում է հարավկորեական News1 գործակալությունը՝ հղում անելով երկրի կառավարության աղբյուրին։
«Ուկրաինան վերջերս մեր կառավարության ուշադրությանն է ներկայացրել, որ ցանկանում է զենք գնել»,- ասվում է հրապարակման մեջ։
Գործակալության տվյալներով՝ համապատասխան խնդրանքը եղել է ուկրաինացիներից՝ Կիևին օգնելուց ԱՄՆ-ի վերջին մերժման ֆոնին։ Ինչպես գրում է News1-ը, ամերիկյան վարչակազմի այս որոշումից հետո «Ուկրաինայի զենքի առանց այն էլ հրատապ կարիքն էլ ավելի հրատապ է դարձել»։
Գործակալությունը պարզաբանել է, որ իրենք չեն կարողացել պարզել, թե կոնկրետ ինչպես են Հարավային Կորեայի իշխանությունները պատասխանել Կիևի նոր խնդրանքին։ Սակայն լրագրողները գրել են, որ ներկայումս զենքի գործարքները քիչ հավանական են։
Անցյալ տարվա նոյեմբերին Ուկրաինան արդեն դիմել էր Հարավային Կորեային զենքի մեծ խմբաքանակ վաճառելու խնդրանքով։
