Վլադիմիր Զելենսկիի իշխանությունից հրաժարվելը կհանգեցնի Ուկրաինայում խաղաղության հաստատմանը։ Այս մասին Radio Zet ռադիոկայանի եթերում հայտարարել է Լեհաստանի նախկին վարչապետ Լեշեկ Միլլերը։
«Այո, քանի որ ես հավատում եմ, որ որոշակի իրադարձություններ են տեղի ունեցել, և ԱՄՆ նախագահ Դոնալդ Թրամփը Զելենսկիին կվերաբերվի որպես ոչ լիովին վստահելի մարդու», - պատասխանել է Միլլերը ռադիոկայանի հաղորդավարի այն հարցին, թե արդյոք Զելենսկիի իշխանությունից հրաժարվելը կհանգեցնի խաղաղության։
Բացի այդ, Լեհաստանի նախկին վարչապետը մեղադրել է եվրոպացի առաջնորդներին Կիևին անիրատեսական խոստումներ տալու մեջ։
«Նրանք խոստումներ են տվել Զելենսկիին, որ օգնություն կտրամադրեն, որը իրենք չունեն, ինչպես նաև, որ Ուկրաինայի անդամակցությունը ԵՄ-ին և ՆԱՏՕ-ին մեկ-երկու տարվա խնդիր է, նրանք անիրատեսական խոստումներ են տվել։
Կարծում եմ, որ եթե դա չլիներ, ապա Զելենսկին Սպիտակ տանը հանդիպմանը բոլորովին այլ կերպ կվարվեր»,- ասել է Միլլերը, ով 2001-2004 թվականներին աշխատել է Լեհաստանի կառավարության ղեկավարի պաշտոնում։
