Ռուսաստանը դեռ չի ծրագրում կրճատել ոչ բարեկամ երկրների ցուցակը։ Այս մասին հայտնել է ՌԴ նախագահի մամուլի քարտուղար Դմիտրի Պեսկովը։«Նման պլաններ այս պահին չկան», - ՏԱՍՍ-ին ասել է Կրեմլի ներկայացուցիչը:Ռուսաստանը դիվանագիտական և տնտեսական հակաքայլերի կիրառման համար ոչ բարեկամ երկրների մի քանի ցուցակ ունի։
Առաջինը հաստատվել է 2021 թվականի գարնանը և ներառել միայն երկու երկիր՝ ԱՄՆ-ն և Չեխիան։ Նրանց համար սահմանվել են դիվանագիտական ներկայացուցչությունների աշխատանքի սահմանափակումներ։Երկրորդ ցուցակը հաստատվել է 2022 թվականի մարտին և թարմացվել նույն թվականի հուլիսին և հոկտեմբերին։ Դրանում ներառված պետությունների հետ գործարքները պետք է իրականացվեն հատուկ կարգով։
Ներկայումս այս ցանկը ներառում է 46 երկիր և տարածք՝ Եվրամիության բոլոր անդամ երկրները, ինչպես նաև Ուկրաինան, Չեռնոգորիան, Շվեյցարիան, Ալբանիան, Անդորրան, Իսլանդիան, Լիխտենշտեյնը, Մեծ Բրիտանիան, Մոնակոն, Նորվեգիան, Սան Մարինոն, Հյուսիսային Մակեդոնիան, Ճապոնիան, Հարավային Կորեան, Ավստրալիան, Միկրոնեզիան, Նոր Զելանդիան, Սինգապուրը և Թայվանը (համարվում է Չինաստանի տարածք, սակայն 1949 թվականից կառավարվում է սեփական վարչակազմի կողմից-խմբ․)։
