Ճապոնիայի արտաքին գործերի նախարար Տակեշի Իվայան խորհրդարանի վերին պալատի բյուջետային հանձնաժողովի նիստի ժամանակ կրկնել է այն դիրքորոշումը, որ Տոկիոն գլխավորը համարում է Ուկրաինայում երկարաժամկետ և արդար խաղաղության ձեռքբերումը և «ելնելով դրանից՝ մտադիր է շարունակել աջակցել Ուկրաինային և Ռուսաստանի դեմ պատժամիջոցներին»։
Լսումների ընթացքում Ճապոնիայի կառավարության ներկայացուցիչներին խնդրել են մեկնաբանել Ուկրաինային ԱՄՆ ռազմական օգնության դադարեցման հնարավոր զարգացումները։
Ճապոնիայի վարչապետ Շիգերու Իսիբան ասել է, որ «դժվար է պատասխանել հիպոթետիկ հարցերին», սակայն ընդգծել է այն անվիճելի փաստը, որ Ուկրաինան «շարունակում է պայքարել այլ երկրների տարբեր օգնության շնորհիվ»։
Ի պատասխան՝ Սահմանադրական դեմոկրատական կուսակցության պատգամավորը հարցրել է՝ արդյոք Տոկիոն մտադիր է շարունակել աջակցել Ուկրաինային։
