Մեծ Բրիտանիայի և Ֆրանսիայի առաջնորդներ Քիր Սթարմերը և Էմանուել Մակրոնը պատրաստ են հաջորդ շաբաթ Վլադիմիր Զելենսկիի հետ մեկնել Վաշինգտոն՝ հանդիպելու ԱՄՆ նախագահ Դոնալդ Թրամփի հետ։ Այս մասին գրում է Daily Mail թերթը՝ վկայակոչելով դիվանագիտական աղբյուրները։
Աղբյուրների համաձայն՝ նրանք ցանկանում են «խաղաղ կարգավորման ծրագրի շուրջ Թրամփին միասնական ճակատ ներկայացնել»։
Ինչպես նշում է հրատարակությունը, նման այցը կարող է տեղի ունենալ Ուկրաինայի և ԱՄՆ-ի միջև հարաբերությունները վերականգնելու փորձերի ֆոնին՝ Սպիտակ տանը Զելենսկիի հետ Թրամփի սկանդալային վեճից և Կիևին ամերիկյան ռազմական օգնության դադարեցումից հետո։ Մեծ Բրիտանիայի կառավարությունն աշխատում է «բոլոր մակարդակներով»՝ համոզելու ԱՄՆ-ին վերսկսել զենքի մատակարարումը Ուկրաինային, գրում է թերթը։
Հնարավոր ծրագրի մանրամասները, որոնք քաղաքական գործիչները կարող էին ներկայացնել Թրամփին, չեն տրամադրվել: Թերթի զրուցակիցները միայն նշել են, որ պոտենցիալ կարգավորումը կարող է սկսվել ավիահարվածների փոխանակման դադարեցմամբ, ապա, եթե առաջին փուլը հաջող լինի, կողմերը կարող են ցամաքային ուժերի կիրառմամբ անցնել հրադադարի։
