Սալեմում (Օրեգոն, ԱՄՆ) համարձակ հարձակում է տեղի ունեցել Tesla ավտոսրահի վրա։ Անհայտ անձինք կրակ են բացել շենքի վրա՝ վնասելով ցուցափեղկերի ապակիները և մի քանի մեքենաներ։ Փրկված պատուհաններից մեկի վրա հայտնաբերվել է չարագուշակ հաղորդագրություն՝ «Սպանել Իլոնին» մակագրությամբ կպչուն սա ուղղակի սպառնալիք է Իլոն Մասկի կյանքին։
Հստակեցվում է, որ սա այս ցուցասրահի հետ կապված նման առաջին միջադեպը չէ։ 2025 թվականի հունվարին հարձակվողներն արդեն կոտրել են ապակիները և այրել փողոցում կայանված էլեկտրական մեքենաներից մեկը։ Հետաքննությունների դաշնային բյուրոն և տեղի ոստիկանությունը համատեղ հետաքննում են միջադեպի հանգամանքները։ Հավելենք, որ զոհերի մասին տեղեկություններ չկան, գրում է SHOT տելեգրամյան ալիքը ։
Տեղական իշխանությունների ներկայացուցիչները ենթադրում են, որ ավտոսրահի վրա հարձակումը կարող է կապված լինել Մասկի քաղաքական դիրքորոշման և X սոցիալական ցանցում (նախկինում՝ Twitter) նրա գործունեության հետ։
Թարգմանությունը՝ Մանուել Թամազյանի
