«ՔՊ-ին հարցրեք»,- այս մասին այսօր Երևանի քաղաքապետարանի նիստից հետո լրագրողների հետ զրույցում ասաց «Հանրապետություն» խմբակցության ավագանու անդամ Անի Խաչատրյանը՝ անդրադառնալով դիտարկմանը, թե ՔՊ-ի նախընտրական ծրագրում չկար տրանսպորտի թանկացման մասին։
Ինչ վերանբերում է դիտարկմանը, թե իրենք ՔՊ-ի հետ են համագործակցում՝ Խաչատրյանը չհամաձայնեց․ «Մենք ՔՊ-ի հետ չենք, մենք առանձին կուսակցություն ենք»։
Անդրադառնալով տրանսպորտի թանկացմանը՝ Խաչատրյանը նշեց, որ իրենք կողմ են դրան, ապա խոսելով Հայկ Մարությանի մասին՝ վիրավորական արտահայտություններ հնչեցրեց․
«Մենք ասել են, այո՛, տրանսպորտը պետք է բարելավվի։ Տրանսպորտը չի թանկացել, սա տրանսպորտային ծախսի բարելավվում է։ Փողոցում ստորագրահավաք անող կարինչկաներն իրենք էլ հենց քաղաքապետ եղած ժամանակ նախատեսում էին ոչ թե 150 դրամ թանկացում, այլ շատ ավելի շատ։
Այնպես որ այդ «Սուպեր մամա» ներկայացումներին մենք վաղուց ենք ծանոթ։ Ինքը իր բերանով հարցազրույցներում ասում է, որ թանկացում չի կարող չլինել, եթե ուզում ենք բարելավված մանկապարտեզներ և այլն ունենանք։
Նա այնքան տղամարդկություն քաղաքական կամք չունի, որ գնա ռիսկերի»,- նշեց Խաչատրյանը։
