Ռոսավիացիան հետաքննություն է սկսել Խաբարովսկի երկրամասում Ան-24 ինքնաթիռի թռիչքուղուց դուրս գալուց հետո։ Euromedia24.com-ի փոխանցմամբ այս մասին Telegram ալիքում հայտնել է գործակալության ներկայացուցիչ Արտեմ Կորենյակոն։
«ՌԴ Օդային տրանսպորտի գործակալության Հեռավորարևելյան տարածքային կառավարման հանձնաժողովը հետաքննում է ավիացիոն լուրջ միջադեպը... Ինքնաթիռը դադարեցրել է թռիչքները և դրա տեխնիկական վիճակը գնահատվում է»,- նշել է նա։
Կորենյակոն հավելել է, որ ավիաընկերությունը պահեստային ինքնաթիռ կուղարկի Նելկան՝ ուղեւորներ տեղափոխելու համար։
Ավելի վաղ հաղորդվել էր, որ քննիչները հետաքննություն են սկսել «Օդանավերի շահագործման կանոնների խախտում» հոդվածով այն բանից հետո, երբ Ան-24-ը դուրս է եկել թռիչքուղուց։
