Դանիայի վարչապետ Մետե Ֆրեդերիկսենը հայտարարել է, որ առանձնազրույց է խնդրել ԱՄՆ նորընտիր նախագահ Դոնալդ Թրամփի հետ Գրենլանդիայի վերաբերյալ նրա մեկնաբանությունների մասին։ Այս մասին գրում է Politico-ն։Միաժամանակ, նա ընդգծել է, որ Թրամփի թիմը դեռ չի արձագանքել հեռախոսազրույցի առաջարկին։
«Մենք առաջարկել ենք առանձնազրույց Թրամփի հետ, և ես ակնկալում եմ, որ այն կկայանա»,- ասել է Ֆրեդերիկսենը՝ մեկնաբանելով Գրենլանդիայի շուրջ ստեղծված իրավիճակը։
Դանիայի վարչապետը նաև նշել է, որ չի ակնկալում, որ երկխոսությունը տեղի կունենա հունվարի 20-ին ԱՄՆ նորընտիր նախագահի երդմնակալության արարողությունից առաջ։
