Ինչո՞ւ և ո՞ւմ պահանջով ազատվեց Գոռ Աբրահամյանը, և ո՞վ կնշանակվի ՔԿ նախագահի մամուլի քարտուղար

16.12 12:53 | Կատեգորիա Հասարակություն

MediaHub-ը գրում է․ Երկու օր առաջ աշխատանքից ազատման դիմում ներկայացրեց Քննչական կոմիտեի մամուլի քարտուղար Գոռ Աբրահամյանը։

Նա երկար տարիներ դատախազությունում է աշխատել, և Աննա Վարդապետյանի՝ դատախազ դառնալուց հետո դիմում գրեց և դուրս եկավ դատախազությունից, քանի որ Վարդապետյանը չէր ցանկացել աշխատել նրա հետ։ Դրանից հետո մինչև վերջերս նա Քննչական կոմիտեի մամուլի քարտուղարն էր, բայց Աննա Վարդապետյանի ձեռքերը այստեղ էլ հասան Գոռին։

MediaHub-ի տեղեկություններով՝ Գոռ Աբրահամյանը Քննչական կոմիտեի մամուլի քարտուղարի պաշտոնից ազատվել է դարձյալ դատախազ Աննա Վարդապետյանի պահանջով, որպեսզի նրա փոխարեն դատախազությունից մի աղջիկ նշանակվի ՔԿ մամուլի քարտուղար։

Նշենք, որ Արգիշտի Քյարամյանի հեռանալուց հետո ՔԿ նախագահ նշանակվեց գլխավոր դատախազի տեղակալ Արթուր Պողոսյանը, և հիմա տիկին դատախազը, փաստորեն, որպեսզի ամբողջությամբ կառավարի Քննչական կոմիտեն ևս, որի հետ Քյարամյանի ժամանակ խոր հակամարտության մեջ էր, որոշել է, որ ՔԿ նախագահի մամուլի քարտուղարը նույնպես պետք է իր ուզած մարդը կամ իր կողմից վերահսկող մեկը լինի։

Թե որքանով կհաջողվի ՔԿ նախագահ Արթուր Պողոսյանին անկախ լինել և մնալ Աննա Վարդապետյանի տեղակալը, ցույց կտա ժամանակը, բայց այն, որ նրա խոսնակով էլ է արդեն դատախազ Վարդապետյանը զբաղվում, դա արդեն փաստ է և ոչ դրական փաստ։

Մեր տեղեկություններով՝ Քննչական կոմիտեի խոսնակ կնշանակվի Դատախազության հանրային կապերի աշխատակից Կիմա Հակոբյանը, որի ամուսինն, ի դեպ, ԱԱԾ աշխատակից Ռազմիկ Ավդալյանն է, և հիմա նա ամուսնու ազգանունն է կրում` Ավդալյան:

Մենք հիշում ենք, որ Կիման մինչև ԱԱԾ-ականի հետ ամուսնանալն ու դատախազություն տեղափոխվելը լրատվական կայքերից մեկում տեսանյութ կտրող է աշխատել: Եվ այժմ Աննա Վարդապետյանն ուզում է, որ Քննչական կոմիտեի ոչ միայն նախագահն իր կողմից ենթադրաբար կառավարելի մեկը լինի` որպես իր նախկին ենթակա, այլև նրա խոսնակը, դրա համար էլ իր աշխատակցին է որոշել գործուղել ՔԿ։

Արթուր Պողոսյանն էլ, փաստորեն, չի ընդդիմացել Վարդապետյանի ցանկությանը, որ Գոռ Աբարահամյանին ազատի և դատախազության աշխատակցին խոսնակ նշանակի, որից Աննա Վարդապետյանը, ենթադրաբար, ցանկացած պահի կարող է տեղեկանալ, թե ով եկավ Արթուր Պողոսյանի մոտ, որքան մնաց, ինչ հանձնարարականներ տվեց Պողոսյանը նրան և այլն։Մենք տեղեկացանք նաև, որ Կիման այսօրվանից այլևս չի աշխատում գլխավոր դատախազությունում, և, հավանաբար, հենց այսօր էլ կնշանակվի ՔԿ նախագահի մամուլի քարտուղար։

Ամենաշատ կարդացվածներ

Ես թոռ եմ դաստիարակում, որ Արցախն ազատագրի.Մովսես Հակոբյան (տեսանյութ)

02.09 21:08 | Կատեգորիա Քաղաքական

Վուդի Ալենը ցանկանում է նկարահանել Դոնալդ Թրամփին ֆիլմում

02.09 20:19 | Կատեգորիա Ժամանց

Լարված իրավիճակ. ոստիկանները քաղաքացուն հեռացրեցին Ազատության հրապարակից (տեսանյութ)

02.09 20:08 | Կատեգորիա Հասարակություն

Ավտովթար՝ Կոտայքի մարզում․ մեքենան հայտնվել է ձորում՝ բախվելով ծառին

02.09 00:52 | Կատեգորիա Պատահարներ

Նիկոլը Հայաստանը վերածել է գեոպոլիտիկ բորդելի. Արմեն Աշոտյան (տեսանյութ)

02.09 20:30 | Կատեգորիա Քաղաքական

Փրկարարները ու ջրային պարեկները Սևանա լճից, մոտ 200 մետր հեռավորությունից, դուրս են բերել մոլորված 4 քաղաքացիների

02.09 22:00 | Կատեգորիա Պատահարներ

Մաքսիմ Գալկինը հրապարակել է սելֆի Ալլա Պուգաչովայի հետ

01.09 23:00 | Կատեգորիա Ժամանց

«Քրեյզի» գիշերային ակումբում ծեծկռտուք է տեղի ունեցել

02.09 00:47 | Կատեգորիա Պատահարներ

Թուրանի ծրագիրը ՀՀ վարչապետի օգնությամբ դառնում է իրականություն. Տիգրան Խզմալյան (տեսանյութ)

02.09 21:35 | Կատեգորիա Քաղաքական

ՈՒՂԻՂ

Լրահոս

19:03

Հայաստանում կանցկացվեն «Սարոյանական օրեր» (տեսանյութ)

18:26

Բաքվում պահվող հայ գերիների շրջանում եղել են ինքնասպանության փորձեր․ Սիրանուշ Սահակյան (տեսանյութ)

16:45 Կարևոր

Վաշինգտոնում ստորագրված փաստաթղթերում «միջանցքի» մասին որևէ հիշատակում չկա․ Իրանի դեսպան