Դիլիջանում խոզաբուծարանի կեղտաջրերը լցվում են գետը. «Հետք»

29.11 13:40 | Կատեգորիա Քաղաքական

Դիլիջան քաղաքի սկզբնամասում՝ «Բեսթ վեսթերն փլաս փարադայս» և «Հաղարծին» հյուրանոցների հարևանությամբ, խոզաբուծարան է գործում։ «Հետքի» ընթերցողներից մեկը պատմել է, որ խոզաբուծարանի կոյուղաջրերը լցվում են այդ տարածքով հոսող Հովաջուր գետը։

2024 թվականի նոյեմբերի 22-ին Դիլիջանի համայանքապետի որոշմամբ Դիլիջան քաղաքի Կամոյի վերջնամասում գտնվող ապօրինի կառուցված տնտեսական նշանակության երկու շինություններն օրինական են ճանաչվել, և դրանց նկատմամբ գրանցվել է համայնքի սեփականության իրավունքը։

Նույն որոշմամբ 505 քմ հողամասին և դրա վրա առկա երկու շինություններին տրամադրվել է հասցե՝ Կամոյի փողոց 158։ Որոշման մեջ նաև նշված է, որ այս շինություններին սպասարկող հողամասը գտնվում է ջրապահպան անօտարելի գոտում։ Տնտեսական շինություններից մեկը 119.2, մյուսը՝ 152.7 քմ է։

2025 թվականի փետրվարի 26-ին համայնքի ղեկավարի մեկ այլ որոշմամբ Կիմա Մարգարյանին, որը կառուցել էր տնտեսական շինությունները, առաջարկվել է համայնքից վարձակալել դրանք և սպասարկող 505 քմ հողամասը։

Մարգարյանը համաձայնել է և համայնքի հետ կնքել վարձակալության պայմանագիր մինչև 2060 թվականի դեկտեմբերի 31-ը։ Վարձակալության տարեկան վճարը կազմում է 345 հազար դրամ կամ մեկ քմ-ի համար ամսական 57 դրամ։

Սննդամթերքի անվտանգության տեսչական մարմինը «Հետքին» հայտնել է, որ 2023 թվականին մշտադիտարկում է կատարել նշված անասնաֆերմայում։ Պարզվել է, որ անասնապահական ֆերման չի համապատասխանում իրավական ակտով սահմանված պահանջներին։

«Հիմք ընդունելով ձեր դիմումը՝ տեսչական մարմինը նորից վերահսկողական միջոցառում կիրականացնի նշված անասնապահական ֆերմայում։ Արդյունքների մասին լրացուցիչ կտեղեկացվի»,- նշված է տեսչական մարմնի պատասխանում։

Բնապահպանության և ընդերքի տեսչական մարմնին նույնպես հարցրել էինք՝ արդյոք ստուգումներ կատարել են տվյալ տարածքում։ Տեսչական մարմնից պատասխանել են, որ մեր հարցման հիմնա վրա կատարված ստուգման արդյունքում Հովաջուր գետի աղտոտման դեպք չի հայտնաբերվել։

Թեև Բնապահպանության և ընդերքի տեսչական մարմինը Հովաջուր գետի աղտոտման դեպք չի հայտնաբերել, սակայն «Հետքի» ընթերցողի տրամադրած տեսանյութում երևում է՝ ինչպես են անասնաֆերմայի կեղտաջրերը լցվում գետը։

Ամենաշատ կարդացվածներ

Ժերար Պիկեն դասախոսություն է կարդացել Հարվարդի համալսարանի բիզնեսի դպրոցում

27.11 18:09 | Կատեգորիա Սպորտ

Հաստատվել է Արշակ Սրբազանին վերաբերող տեսանյութերի իսկությունը. Եպիսկոպոսները հայտարարություն են տարածել. «ՀԺ»

27.11 13:55 | Կատեգորիա Մամուլ

Սրետենսկի վանքի երգչախումբը երգել է Մոսկվա-Երևան չվերթի ինքնաթիռում (տեսանյութ)

26.11 23:37 | Կատեգորիա Գիտություն և մշակույթ

Անփութությո՞ւն, թե՞ դիվերսիա. Ինգա Զարաֆյանը՝ հրդեհների մասին (տեսանյութ)

27.11 19:59 | Կատեգորիա Հասարակություն

Հայ կարատեիստներն Ասիայի առաջնությունում մեդալներ են նվաճել

27.11 23:00 | Կատեգորիա Սպորտ

Անունները կան, ստորագրությունները՝ ոչ. միանո՞ւմ են Սրբազանները հայտարարության տեքստին. մեկնաբանություններ

27.11 15:48 | Կատեգորիա Հասարակություն

Կխթանվի գինու, առողջարանային, արկածային, մշակութային, կրթական և էկոզբոսաշրջությունը Արարատի, Վայոց ձորի, Շիրակի, Տավուշի և Սյունիքի մարզերում

27.11 19:04 | Կատեգորիա Հասարակություն

11-ամյա երեխա է մահացել, Կամո Ցուցուլյանի որդին ինքնասպանության փորձ է արել․ քրեական նորություններ

27.11 15:58 | Կատեգորիա Հասարակություն

Ուղիղ. Բագրատ սրբազանի և 17 կալանավորների գործով դատական նիստը շարունակվում է

27.11 15:46 | Կատեգորիա Հասարակություն

ՈՒՂԻՂ