Հնդկաստանի բանակը սկսել է խոշոր հետախուզական կենտրոնի և իր առաջին ռազմական բազայի կառուցումը, որտեղ կտեղակայվեն օդադեսանտային և բանակային ստորաբաժանումներ Ասամ նահանգի հյուսիսարևելյան մասում, որը գտնվում է Բանգլադեշի հետ սահմանից 40 կիլոմետր հեռավորության վրա, հաղորդում է Press Trust of India (PTI)-ը։
Այս օբյեկտների կառուցումը տեղի է ունենում սահմանային հանցագործությունների աճի, տարածաշրջանում ֆունդամենտալիստական խմբավորումների ակտիվության աճի և Բանգլադեշի կողմից ռազմավարական կարևոր նշանակություն ունեցող 22 կիլոմետրանոց Սիլիգուրի միջանցքը փակելու հնարավոր քայլերի ֆոնին, որը Հնդկաստանի հյուսիս-արևելքը կապում է երկրի մնացած մասի հետ։
«Ասամում գտնվող բազաները հնարավորություն կտան Հնդկաստանի բանակին ամրապնդել իր հետախուզական ցանցը, ներառյալ մարդկային և էլեկտրոնային հետախուզությունը, և ընդլայնել իր գործառնական հնարավորությունները տարածաշրջանում», - PTI-ին հայտնել են Պաշտպանության նախարարության աղբյուրները։
Մասնագետների կարծիքով, Բանգլադեշում ժամանակավոր կառավարության իշխանության գալով երկրի դիրքորոշումը Հնդկաստանի նկատմամբ կտրուկ փոխվել է։
